गुन्हेगारी

मुलांच्या खेळण्यावरुन वाद, महिलेवर प्राणघातक हल्ला

22-06-2019

बारामती – शहरात सध्या गुन्हेगारी वाढत आहे. एकाच आठवड्यात दुसऱ्यांदा प्राणघातक हल्ल्याची घटना घडली आहे. खाटीक गल्ली परिसरात एका महिलेवर धारदार शस्त्राने वार करण्यात आले आहे. या हल्ल्यात महिला गंभीर रित्या जखमी झाली असून उपचारासाठी तिला पुण्यातील खासगी रुग्णालयात दाखल करण्यात आलं आहे.

खाटीक गल्लीत लहान मुलांच्या खेळण्यावरून वाद झाला होता. त्यानंतर आरोपी अरबाज उर्फ अबू कुरेशी याने तांदळवाडी येथे राहत असलेल्या जबीन गुलाब कुरेशी या महिलेच्या घरात शिरून तिच्यावर सत्तुराने हल्ला केला. आरोपीने या महिलेच्या मानेवर, तोंडावर आणि हातावर वार केले. यामध्ये ही महिला गंभीररित्या जखमी झाली आहे.

....
अधिक वाचा
सांगलीत प्रेम प्रकरणाच्या वादातून एकाची हत्या

24-02-2019

खानापूर येथील जाधववाडीत मित्राच्या प्रेम प्रकरणाचा वाद मिटवण्यासाठी गेलेल्या मित्राला आपलाच प्राण गमवावा लागला. या प्रेमप्रकरणातून प्राण गमवावा लागलेला युवक खानापूर युवा सेना प्रमुख होता.

यावेळी झालेल्या हल्ल्यात एक तरुण गंभीर जखमी झाला आहे. याप्रकरणी पिता-पुत्रास अटक करण्यात आली आहे. याबाबत अधिक माहिती अशी,  की आदिनाथ भोसले व प्रमोद भगत यांच्यात एका मुलीला प्रपोज केल्याच्या कारणावरून शुक्रवारी जाधववाडी येथे वाद सुरू होता. याची माहिती प्रमोदचा मित्र व खानापूर युवा सेना प्रमुख आकाश भगत याला मिळाली.

हा वाद मिटवण्यासाठी आकाश भगत, विपुल जाधव व त्याचे मित्र जाधववाडी येथे पोहोचले होते. यावेळी दोन्ही गटात जोरदार वादावादी झाली. आकाश भगत व विपुल जाधव यांच्यावर आदिनाथ भोसले, त्याचे वडील यांनी अन्य एकाच्या मदतीने चाकूहल्ला केला. या हल्ल्यात आकाश भगत आणि विपुल जाधव हे गंभीर जखमी झाले. आकाशचा शनिवारी उपचारा दरम्यान मृत्यू झाला. याप्रकरणी विटा पोलीस ठाण्यात गुन्हा दाखल झाला आहे.

 

....
अधिक वाचा
मुंबई बॉम्बस्फोटातील मुख्य सुत्रधाराचा कारागृहातच मृत्यू

24-02-2019

२५ ऑगस्ट २००३ मध्ये मुंबईत झालेल्या बॉम्बस्फोटाचा मुख्य सुत्रधार मोहम्मद हनिफ अब्दुल रहिम याचा रविवारी नागपूर मध्यवर्ती कारागृहात मृत्यू झाला. नऊ वर्षापासून मृत्यूदंडाची शिक्षा भोगत असलेला दहशतवादी मोहम्मद हनिफचा नैसर्गिक मृत्यू झाल्याचे शवविच्छेदनातून समोर आले आहे.

तब्बल ५२ निरपराध्यांना मृत्यूच्या दारात टाकणारा मोहम्मद हनिफ अब्दुल रहिम हा मृत्यूदंडाची शिक्षा भोगत होता. २५ ऑगस्ट २००३ मध्ये मुंबईतील बॉम्बस्फोटाचा मुख्य सुत्रधार होता. त्यावळी झवेरी मार्केटमध्ये झालेल्या भयावह स्फोटात ३६ लोकांचा मृत्यू झाला होता आणि १३८ जण गंभीर जखमी झाले होते तर, गेट वे ऑफ इंडियाजवळ घडवून आणलेल्या स्फोटात १६ जणांचा मृत्यू तर ३६ लोकांना गंभीर दुखापत झाली होती.

....
अधिक वाचा